НВО Инфоцентарот, во рамки на проектот „Информации засновани на факти и транспарентност за успешна Ковид-19 имунизација“, спроведува мониторинг на известувањето на медиумите за процесот на вакцинација. Набљудувањето и анализата на медиумското известување за Ковид-19 имунизацијата се реализира преку агрегаторот на вести – Time.mk, кој опфаќа вкупно 125 медиуми – вести (63), портали (48) и спортски медиуми (14) и тоа, со пребарување според клучни зборови – „вакцинација“, „Филипче“ и „антиваксери“.

Основната цел на набљудувањето е да се утврди интензитетот, квалитетот и доминантните наративи во известувањето на медиумите за целокупниот процес на Ковид-19 вакцинацијата во државава. Овој извештај го опфаќа периодот од 1јануари 2021 година, до 25 јануари 2022 година.

Клучни наоди

Анализата на медиумското известување во изминатитет 13 месеци покажа:

• Во периодот на мониторинг медиумите застапени на агрегаторот Time.mk, во континуитет известуваа за процесот на вакцинација против КОВИД-19.
• Имунизацијата беше една од најприсутните и најдоминантните теми во медиумите.
• Во известувањето на медиумите доминираа информации поткрепени со податоци и изјави од надлежните државни здравствени институции.
• Најчесто се пренесуваа информации и податоци за бројот на вакцинирани, бројот и видот на пристигнати вакцини, карактеристиките и перформансите на вакцините, како и состојбата во светот.
• Во повеќето медиуми доминираа идентични прилози посветени на имунизацијата.
• Отсуствуваше новинарскиот аналитичко-истражувачки приод.
• Антиваксерите и нивните пораки се наоѓаат на маргините на медиумското известување.

Прочитајте го целосниот извештај: Monitoring na mediumi_januari’21 – januari’22

За Авторот: NVO Infocentar

info@nvoinfocentar.org.mk
contact@nvoinfocentar.org.mk
facebook/NVOInfocentar