Книгата, преку 44 начини и примери за тоа како се манипулира мислењето на луѓето, е фокусирана на развојот на критичкото мислење. Единствено преку препознавањето на т.н. „логички грешки“, односно – валкани трикови на оние кои сакаат да извлечат некаква корист преку стратегиски маневри за здобивање со влијание, предност и моќ, јавноста може да се заштити и ѕирне зад маските на скриените медиумски агенди и масовниот политички дискурс.
„На студентите им се потребни креативни согледби и интелектуални орудија кои ќе им овозможат да се заштитат од тоа да станат интелектуални жртви во светот на намножени медиумски пирани или, што е исто толку лошо, и самите да му се приклучат на јатото како помлади пирани на обука. Согледбите и орудијата, втемелени врз интелектуален интегритет, треба да бидат крајната цел на проучувањето на „логичките грешки“. Токму тоа е и нашата цел во овој водич.“ стои во предговорот на авторите Пол и Елдер.
Авторските права за книгата ги отстапи американската Фондација за критичко мислење, а преводот на македонски јазик го направи Гордана Стошиќ. Публикацијата е испечатена во тираж од 550 примероци, а печатењето финансиски го поддржа Фондацијата Отворено општество. Книгата нема да се продава, туку, ќе се користи во едукативни цели, а ќе им биде достапна електронски и на сите заинтересирани граѓани и активисти.
Водич на мислителот за логички грешки – уметноста на менталните итроштини и манипулацијата
издавач: НВО Инфоцентар
автори: Ричард Пол и Линда Елдер
ISBN 978-608-4594-09-3
COBIS.MK-ID 93703434
За Авторот: NVO Infocentar
info@nvoinfocentar.org.mkcontact@nvoinfocentar.org.mk
facebook/NVOInfocentar
Поврзани написи
-
Промовирана книгата „Водич на мислителот за логички грешки“
Како дел од активностите за одбележување десетгодишнината од своето постоење, НВО Инфоцентар организираше промоција на книгата...
