НВО Инфоцентарот, во рамки на проектот „Информации засновани на факти и транспарентност за успешна Ковид-19 имунизација“, спроведува мониторинг на известувањето на медиумите за процесот на вакцинација. Набљудувањето и анализата на медиумското известување за Ковид-19 имунизацијата се реализира преку агрегаторот на вести – Time.mk, кој опфаќа вкупно 125 медиуми – вести (63), портали (48) и спортски медиуми (14) и тоа, со пребарување според клучни зборови – „вакцинација“, „Филипче“ и „антиваксери“. Основната цел на набљудувањето е да се утврди интензитетот, квалитетот и доминантните наративи во известувањето на медиумите за целокупниот процес на Ковид-19 вакцинацијата во државава. Овој извештај го опфаќа периодот од 1 до 31 октомври, 2021 година.

Клучни наоди

Анализата на медиумското известување во текот октомври ги покажа следниве тенденции:

• Опаѓа интересот на медиумите за имунизацијата против Ковид-19.
• Медиумите се’ помалку прават анализи или истражувања за процесот на вакцинација и ефектите од неа.
• Најчесто само се пренесуваат информации од здравствените власти за бројот на заболени, хоспитализирани и починати, споредбено со бројот на вакцинирани.
• Најзастапена тема поврзана со имунизацијата е третата доза на вакцина
• Голем број медиуми ги пренесоа ставовите на познатиот хрватско-германски научник, Иван Џикиќ, кој учествуваше на работилница на НВО Инфоцентарот наменета за новинарите во државава.

Интегрален текст на извештајот: Monitoring_mediumi_7_noemvri 2021

За Авторот: NVO Infocentar

info@nvoinfocentar.org.mk
contact@nvoinfocentar.org.mk
facebook/NVOInfocentar