Организациите ЦЕД и Скаут, во соработка со НВО Инфоцентарот, на 23 ноември 2019, во Теарце, организираа работилница за петнаесетина советници и претседатели на месните заедници во општината, на која заеднички ги дефинираа најголемите проблеми со кои се соочуваат граѓаните и предлагаа ефикасни решенија. Теарце како општина има бројни проблеми почнувајќи од тоа што нема канализација, завршувајќи до тоа дека има многу диви депонии, нема пожраникараска служба, ниту пак има дваесетичетиричасовна медицинска заштита.
Пред почетокот на работилницата, извршната директорка на НВО Инфоцентарот, Билјана Бејкова направи презентација на наодите од мониторингот на транспарентноста на општина Теарце и вклучувањето на граѓаните во локалните политики, Советниците и претставниците на месните заедници констатираа дека е потребна поголема транспарентност на работата на локалната власт и на администрацијата, а едноврeмено истакнаа дека ќе побараат седниците на Советот во иднина да бидат „стримувани“ во живо за да можат граѓаните да ја следат работата на советниците.
ЦЕД, Скаут и НВО Инфоцентарот, во соработка со советниците и претставниците на месните заедници ќе подготват документ кој ќе му биде доставен на граданачалникот и на советот на општината и кој ќе ги содржи предлозите за решавање на најгорливите проблеми на граѓаните.
Советниците се обврзаа дека активно ќе се залагаат овие проблеми и нивното решавање да бидат вградени во годишните програми и буџетот на општината.
Работилницата се организираше во рамки на проектот „Активни граѓани и партиципативна демократија на локално ниво“, поддржан од меѓународниот центар Улоф Палме. 
За Авторот: NVO Infocentar
info@nvoinfocentar.org.mkcontact@nvoinfocentar.org.mk
facebook/NVOInfocentar
