Неодамна, Советот за етика на медиумите на Македонија (СЕММ), ги прогласи за основани жалбите на Коалицијата „Сексуални и здравствени права на маргинализирани заедници“ против интернет порталите Инфомакс и Журнал за текстот со наслов „ПРОНАЈДЕНО РЕШЕНИЕТО: Љуми Бекири е шиптар, педер, комуњар и соросоид и се предлага како идеално решение за СДСМ“.
Фотографија: Извадок од одлуката на СЕММ
СЕММ утврди дека со текстовите на порталите се повредени повеќе членови од Кодексот на новинарите на Македонија, вклучително и забраната за употреба на говор на омраза.
Според Коалицијата СЗПМЗ, сé повеќе се користи различната сексуална ориентација и родов идентитет на активисти со цел пресметување со политички неистомисленици и нивно омаловажување и дискредитирање.
Одлуката на Советот за етика во медиумите на Македонија беше повод да разговараме со Луми Бекири, кој е повеќекратна жртва на говор на омраза, не само во медиумите, туку и на социјалните мрежи.
Луми Бекири смета дека говорот на омраза не треба на никој начин да се игнорира:
„И најмалиот и најнезабележливиот говор на омраза према мене што ќе се појави јас го користам со моите методи на сарказам, или иронија, или нешто слично, за да укажам дека постои тоа тука и на некој начин да се бориме против тоа.“
Коалицијата СЗПМЗ смета дека говорот на омраза е потребно да се санкционира од страна на институциите на системот, со цел да се превенира и да се обезбеди ефикасна заштита:
„Со оглед на тоа дека Јавното обвинителство сè уште не презема конкретни дејствија за санкционирање на говорот на омраза, сметаме дека во Македонија не постои ефикасен и ефективен начин на справување со истиот, со што, преку молкот се одобрува хомофобијата и трансфобијата од страна на институциите.“
Линк до прилогот на Слободна.мк.
——————
Прилогот е подготвен и објавен на порталот Слободна.мк, како дел од проектот „Застапување за слобода на изразување“ на НВО Инфоцентарот и Центарот за развој на медиуми, поддржан од Проектот на УСАИД за граѓанско општество, кој го спроведува Фондацијата Отворено општество – Македонија.
За Авторот: NVO Infocentar
info@nvoinfocentar.org.mkcontact@nvoinfocentar.org.mk
facebook/NVOInfocentar
