Неформалната граѓанска коалиција „Граѓаните за Македонија“, на 16 февруари 2016, организираше дебата за слободното општество и социјалната правда.
Целта на граѓанската дебата бепе да се зајакне комуникацијата и размената на идеи и ставови меѓу факторите во граѓанското општество, да се усогласат заедничките вредности и позиции во однос на општествено-политичката криза во државата и да се испратат пораки за кои ќе се побара мислење и поддршка од широкото граѓанско општество и од политичките фактори во државата.
Токму во овој момент, кога политичката криза ескалира, слободата и понатаму е загрозена, живејачката не се подобрува, а следуваат парламентарни избори од пресудно значење за натамошниот развој на Македонија, важно е да усогласиме и да испратиме пораки за приоритетите на граѓанското општество и за она што граѓаните го очекуваат од политичките актери како излез од оваа состојба во која се наоѓаме.
Имајќи ги предвид разноликостите во ставовите и капацитетот кај граѓанските организации, ваквата јавна граѓанска дебата и подоцнежните пораки ќе бидат силен симбол дека граѓанските организации и активисти имаат капацитет за дијалог, дискусија и испраќање заеднички ставови до пошироката јавност и до сите релевантни политички актери.
На првата панел дискусија: ПОМЕЃУ ИДЕЈАТА ЗА СЛОБОДА И ЗАРОБЕНАТА ДРЖАВА, говорници беа Билјана Еверт, Цивил – центар за слобода, Билјана Бејкова, НВО Инфоцентар, Суад Мисини, аналитичар и активист за човекови права, Мирјана Најчевска, универзитетски професор , Миша Поповиќ, Институт за демократија – Социетас Цивилис, Љубиша Арсиќ, новинар.
На втората панел дискусија: ПРЕКУ СОЦИЈАЛНА ПРАВДА ДО ПОДОБРА ЖИВЕЈАЧКА, говорници беа Бранимир Јовановиќ, аналитичар, Абдулменаф Беџети, универзитетски професор, Петар Гошев, поранешен гувернер, министер и пратеник, Борјан Ѓузелов, Македонски центар за меѓународна соработка, Дона Костуранова, Младински образовен форум, Јасминка Фришчиќ, ЕСЕ – Здружение за еманципација, солидарност и еднаквост на жените и Душко Груевски, За нас се работи – Битола.
За Авторот: NVO Infocentar
info@nvoinfocentar.org.mkcontact@nvoinfocentar.org.mk
facebook/NVOInfocentar
