Изборот на најдобрите мобилни апликации се организира во рамките на Наградата на Светскиот самит (http://www.wsis-award.org/) како глобална иницијатива за избор и промоција на најдобри е-содржини во светот.
Ги повикуваме сите кои сакаат да добијат можност за учество на Наградата на Светскиот самит за мобилни апликации да ги испратат потребните информации за апликацијата како и информации за контакт на bardhyl@metamorphosis.org.mk.
Крајниот рок за пријавување е 1 јуни 2014 година. Проектите може да се поднесат во една од следниве категории: м-бизнис и трговија, м-влада и учество,м-учење и образование, м-забава и животен стил, м-туризам и култура, м-медиуми и вести, м-животна средина и здравство и м-инклузивност и оспособување. Повеќе информации за наградата можете да најдете тука:http://www.wsa.org.mk
Глобална мрежа од експерти ги номинира 8-те најдобри локални апликации на глобалниот натпревар, а пријавените мобилни апликации во периодот од август и септември ќе ги оценува меѓународно жири. Избраните 40 победници (по 5 во секоја категорија) ќе имаат можност за презентирање на своите проекти во рамките на Светскиот конгрес за Наградата на Светскиот самит за мобилни апликации кој ќе се одржи во Абу Даби од 1 до 3 февруари, 2015 година.
Наградата на Светскиот самит има за цел да ги нагласи културната разновидност и идентитет, создавањето на различни информативни содржини како и дигитализацијата на образованието, научното и културното наследство. Оваа награда се доделува од 2003 година во неа активно се вклучени 168 земји, а нови партнери од целиот свет секогаш се добредојдени да и се придружат на оваа глобална иницијатива.
извор: Метаморфозис
За Авторот: NVO Infocentar
info@nvoinfocentar.org.mkcontact@nvoinfocentar.org.mk
facebook/NVOInfocentar
