Промовирана книгата „Водич на мислителот за логички грешки“

на ное 1, 13 • од NVO Infocentar •

Како дел од активностите за одбележување десетгодишнината од своето постоење, НВО Инфоцентар организираше промоција на книгата „Водич на мислителот за логички грешки – уметноста на менталните итроштини и манипулацијата“,од авторите Ричард Пол и Линда Елдер...

Pin It

Home » Активности » Промовирана книгата „Водич на мислителот за логички грешки“

Како дел од активностите за одбележување десетгодишнината од своето постоење, НВО Инфоцентар во соработка со Фондацијата Отворено општество Македонија (ФООМ) организираше промоција на книгата „Водич на мислителот за логички грешки – уметноста на менталните итроштини и манипулацијата“,од авторите Ричард Пол и Линда Елдер.

Промотор на книгата беше новинарот Сашо Ордановски, кој успеа да направи паралела помеѓу триковите опишани во книгата, и денешните состојби во македонскиот медиумски простор. Свои излагања на промоцијата имаа и извршниот директор на ФООМ Владимир Милчин, и Билјана Бејкова, извршна директорка на НВО Инфоцентар, кои ја потенцираа потребата од издавање и промоција на литература која има за цел да укаже на начините на пропаганда и манипулација, особено во ситуација кога постојано се ограничува слободата на изразување.

Авторските права за книгата ги отстапи американската Фондација за критичко мислење, а преводот на македонски јазик го направи Гордана Стошиќ. Публикацијата е испечатена во тираж од 550 примероци, а печатењето финансиски го поддржа Фондацијата Отворено општество. Книгата нема да се продава, туку, ќе се користи во едукативни цели, а ќе им биде достапна електронски и на сите заинтересирани граѓани и активисти.