Проектот The Civil Society Peer Exchanges, кој го имплементираат ЕУКЛИД Мрежата на социјални иноватори од Велика Британија и Центарот за институционален развој ЦИРа од Македонија, а е финансиран од Британската амбасада во Скопје, ќе создаде поврзаност помеѓу граѓанските организации кои се фокусирани кон заштитата на човековите права, застапување и креирање на политики, транспарентност и отчетност, како и економски можности. Проектот ќе овозможи директна и трајна корист за британското и македонското граѓанско општество преку споделување на најдобрите практики и знаење помеѓу воспоставување на соработка помеѓу Британските и Македонските граѓански организации.

Проектот е структуриран во пет главни делови:

• Натпревар за решавање на 3 клучни предизвици: македонските граѓански организации ќе имаат можност да аплицираат за преку поднесување на предлог – идеја за решавање на еден клучен предизвик од следниве области: лобирање, застапување и креирање на политики, финансиска одржливост и транспарентност и отчетност.
• Размена помеѓу организации од В. Британија и Македонија: Врз основа на дефинираните критериуми за натпреварување, 9 граѓански организации од Македонија (3 за секој предизвик) ќе бидат избрани и поврзани со граѓански организации од Велика Британија да ја развијат својата идеја во пилот иновативна иницијатива.
• Напредни обуки: Проектот ќе понуди 4 напредни обуки воМакедонија, од кои 3 ќе бидат фокусирани на клучните предизвици – застапување и креирање на политики, финансиска одржливост и транспарентност и отчетност; Четвртата обука ќе биде фокусирана кон социјалната иновација и социјалното претприемништво.
• Онлајн Платформа: поради потребата од постојана поддршка за британските и македонските граѓански организации, ќе се креира онлајн платформа за граѓанските организации и останатите засегнати страни (креирачи на политика, индустрија, медиуми) и на тој начин ќе се олесни размената и взаемната соработка.
• Прирачник со најдобри практики:Преку директна повратна информација од граѓанските организации вклучени во проектот, како и разменетите студии на случаи од Велика Британија и Македонија, ќе развиеме прирачник со најдобри практики вклучувајќи ги и препораките и практичните совети за влијателно граѓанско учество, активизам и демократија.

Агендата за настанот 

За Авторот: NVO Infocentar

info@nvoinfocentar.org.mk
contact@nvoinfocentar.org.mk
facebook/NVOInfocentar