Владината канцеларија за отчетност на Соединетите Американски Држави (ГАО), во октомври, го објави својот детален извештај за користењето на американските владини фондови во Република Северна Македонија.

Овој извештај е подготвен на барање на американските конгресмени и во него се анализира американското финансирање за поддршка на демократијата во Северна Македонија и степенот до кој УСАИД се придржувал до релевантните политики при изборот на примателите на демократската помош во државата.

ГАО ги анализирала податоците и документите на американската влада и интервјуирала американски претставници во Вашингтон и во Скопје.

Според наодите на ГАО, УСАИД генерално ги следеле оперативните политики при изборот на примателите на финансиската поддршка и не констатирала никакви неправилности во работењето.

Во овој извештај се наведува дека финансиската поддршка за Македонија од 1991 година изнесува една милијарда долари.

Целиот извештај може да го најдете на следниов линк.

За Авторот: NVO Infocentar

info@nvoinfocentar.org.mk
contact@nvoinfocentar.org.mk
facebook/NVOInfocentar