НВО Инфоцентарот, во соработка со Организацијата на жени од Струмица, започна со реализацијата на серија обуки наменети за зголемување на капацитетите на локалната администрација и граѓанските активисти во Скопје, Битола, Тетово и Струмица.
Обуките за зголемување на знаењето и подобрување на способностите на општините и на граѓанските организации за учество во програмирањето на ИПА фондовите и аплицирање за европско финансирање се дел од втората фаза на проектот „Локален консултативен механизам за ИПА2“.
Работилница за администрацијата во Градот Скопје
Во текот на јуни 2018 се реализираа две еднодневни обуки за потребите на администрацијата во Градот Скопје и три еднодневни обуки за граѓанските организации од Струмица. Серијата обуки продолжува во јули во Битола и во септември во Тетово.
На обуките им претходеше мапирање на тековните состојби и соработката меѓу општините и граѓанските организации во програмирањето и учеството во фондовите од ИПА (во општините Битола, Струмица, Тетово и Градот Скопје). Сознанијата за степенот на искористеност на ИПА фондовите беа основа за креирање на обуки соодветни на потребите на локалната администрација и граѓанските активисти.
Проектот „Локален консултативен механизам за ИПА2“ е поддржан од Министерството за финансии на Република Македонија – Сектор за централно финансирање и склучување на договори (ЦФЦД), преку програмата ТАИБ 2013, а со средства од Европската Унија.
За Авторот: NVO Infocentar
info@nvoinfocentar.org.mkcontact@nvoinfocentar.org.mk
facebook/NVOInfocentar
