Неделен #КовидИмунометар

Известувачки период: 1 – 7 јуни 2021

Кратко резиме

• Заклучно со 7 јуни, во државава се пристигнати вкупно 473.910 дози вакцини.

• Досега се вакцинирани 245.413, а пријавени за вакцинација се 440.213 граѓани.

• Во првата недела од јуни, најголемиот дел од аплицираните вакцини се ревакцинација.

• Темпото на вакцинација во споредба со претходниот период е намалено. Во просек, дневно се вакцинирале нешто над 1.500 граѓани.

• Над 2.000 македонски граѓани (претежно млади луѓе) се вакцинираа во Србија.

 Колку луѓе треба да се вакцинираат?

Според Националниот план за Ковид-19 вакцинација во Репубика Северна Македонија 2.1 треба да се вакцинираат вкупно 1.490.500 полнолетни граѓани категоризирани во различни приоритени групи.

Колку луѓе се пријавиле за вакцинација?

Заклучно со 1 јуни, на специјалната интернет-апликација на Владата, за вакцинација се пријавиле вкупно 440.213 граѓани односно 29.5% од проценките на Министерството за здравство.

Во периодот 1 – 7 јуни, бројот на пријавени се зголемил за 8.433 граѓани односно за само 1.9% (во просек, дневно се пријавувале 1.204 граѓани).

Бројот на заинтересирани граѓани продолжува да се зголемува, но со намалено темпо во споредба со претходните 7 дена (26 – 31 мај), кога во просек, дневно се пријавувале 2.071 граѓани.

Колку луѓе се вакцинирани?

Заклучно со 7 јуни, вкупниот број вакцинирани лица, според официјалната-страница за вакцинација, изнесува 245.413 односно 16.4% од проценките на Министерството за здравство.

Во периодот 1 – 7 јуни, бројот на вакцинирани граѓани се зголемил за 10.905 односно за 4.5% (во просек, дневно се вакцинирале 1.557 граѓани).

Бројот на вакцинирани граѓани продолжува да се зголемува, но со намалено темпо во споредба со претходните 7 дена (26 – 31 мај), кога во просек, дневно биле вакцинирани 2.295 граѓани.

Според министерот Венко Филипче, заклучно со 4 јуни, вкупно аплицирани дози вакцини се 369.661, од кои ревакцинирани се вкупно 125.829 граѓани. Во првата недела од јуни, најголемиот дел од аплицираните вакцини беа ревакцинација.

Заклучно со 4 јуни, според Министерот, 47% од населението над 70 години, 41% од населението над 65 години и 35% од населението над 60 години има примено барем една доза вакцина.

На 3 јуни започна вакцинацијата на сите хронично болни пациенти и со ризик од Ковид-19, на возраст од 20 до 40 години, кои се пријавиле за вакцинација до 30 април 2021 година.

Колку граѓани се вакцинирале во странство?

Од 5 јуни, Србија повторно ги отвори вакциналните пунктови за македонските граѓани, кои можат да се вакцинираат без претходна најава.

Според медиумите, од 5 до 7 јуни, во Ниш и Врање, вакцинирани се над 2.000 македонски граѓани, претежно млади луѓе.

Оваа бројка ќе се зголемува затоа што можноста за вакцинирање е се уште отворена.

Колку вакцини се пристигнати?

Заклучно со 7 јуни, во државава се пристигнати вкупно 473.910 дози вакцини.

Најзастапена вакцина е Синофрам (63.7%), потоа Фајзер (16.4%), Астра-Зенека (14.4%) и Спутник В (5.5%):

• Синофарм – 302.000 (63.7%)

• Фајзер – 77.510 (16.4%)

• Астра-Зенека – 68.400 (14.4%)

• Спутник В – 26.000 (5.5%)

Хронологија на пристигнување на вакцините:

7.6.2021 – 12.870 дози Фајзер

31.5.2021 – 4.680 дози Фајзер, помош од ЕУ

31.5.2021 – 7.020 дози Фајзер

24.5.2021 – 5.850 дози Фајзер

24.5.2021 – 4.680 дози фајзер, помош од ЕУ

18.5.2021 – 9.360 дози Фајзер

15.5.2021 – 100.000 дози Синофарм, донација од Кина

14.5.2021 – 38.400 дози Астра-Зенека

12.5.2021 – 6.000 дози Астра-Зенека, донација од Унгарија

4.5.2021 – 4.860 дози Фајзер, помош од ЕУ

30.4.2021 – 200.000 дози Синфарм 26.4.2021 – 10.000 дози Фајзер

16.4.2021 – 10.000 дози Фајзер

12.4.2021 – 2.000 дози Синофарм, донација од ОАЕ

1.4.2021 – 20.000 Спутник В, донација од Србија

28.3.2021 – 3.000 дози Спутник В

28.3.2021 – 24.000 дози Астра-Зенека, Ковакс механизам

7.3.2021 – 3.000 дози Спутник В

24.2.2021 – 3.510 дози Фајзер, донација од Србија

14.2.2021 – 4.680 дози Фајзер, донација од Србија

Извор на информации: Министерство за здравство и Влада на РСМ

За Авторот: NVO Infocentar

info@nvoinfocentar.org.mk
contact@nvoinfocentar.org.mk
facebook/NVOInfocentar