Хелсиншкиот комитет, преку проектот „Унапредување на националната инфраструктура против говор на омраза и злосторства од омраза“, поддржан од страна на Мисијата на ОБСЕ во Скопје, во 2013 и 2014 година регистрираше 175 инциденти/кривични дела сторени од омраза кои можат да се погледнат преку www.zlostorstvaodomraza.mk.

За една година во Македонија сторени се вкупно 175 злосторства од омраза, од кои најголемиот дел – 128 се на етничка основа.

Од инцидентите од омраза по етничка основа во најголем број жртвите се од албанска и македонска националност и најчесто се работи за малолетници. Покрај овие инциденти, во поголем број се и злосторствата од верска омраза (22), како и инциденти сторени поради политичка припадност (21). Последниот случај на злосторства на верска основа е нотиран во март годинава во Битола. Група непознати лица со кукасти крстови и навредливи симболи го демолирале Офицерскиот дом во Битола со што ја искажале омраза кон еврејската заедница.  Евидентирани се и 8 случаи на инциденти сторени поради сексуална ориентација.

Граѓаните кои се сведоци или жртви на инциденти од говор на омраза, можат да ги пријават инцидентите на специјализираната страна www.zlostorstvaodomraza.mk.

говор на омразаМХК

За Авторот: NVO Infocentar

info@nvoinfocentar.org.mk
contact@nvoinfocentar.org.mk
facebook/NVOInfocentar